A Fundación Rural Artes ten como sede o Museo do Gravado que se atopa na localidade de Artes, municipio galego de Ribeira, na provincia da Coruña. Rodeado dunha espectacular paisaxe natural, a Fundación situou un dos proxectos máis novos para diletantes, estudosos e afeccionados ao mundo das artes, máis concretamente da Arte Gráfica, creando un espazo único na zona que combina a arte gráfica antiga e contemporánea.

A estruturación do Museo céntrase en dous aspectos principais: Gabinete de Estampas (debidamente ordenadas por Escolas ademais dos seus estudos particulares) e tres Salas de Exposicións abertas ao público, dispoñendo tamén de espazo para Biblioteca e Sala de Conferencias.

A Fundación Museo de Artes centra o seu obxectivo na colección, catalogación, estudo e difusión da arte gráfico desde as súas orixes aos nosos días. Por iso acolle cantas técnicas artísticas operaron desde o século XV ata o momento actual, xustificando a súa denominación: do gravado á estampa dixital.

Mediante Ordes da Xunta de Galicia do 18 de xullo e 30 de xullo de 2001, publicadas no Diario Oficial de Galicia o 29 de xullo e o 3 de setembro do 2001, clasifícase á Institución como de Interese Cultural e de Interese Galego respectivamente, sendo rexistrada co nº 2001/19.