O mes de abril comeza da man da Real Academia de Belas Artes coa conmemoración do Día das Artes Galegas que neste ano homenaxea a Isaac Díaz Pardo.

A especialista en Historia da Arte e activista Cultural, Rosario Sarmiento, impartirá unha conferencia o día 24 de abril ás 20.00 h co título «Isaac Díaz Pardo. O pintor que non quixo ser artista» no Museo do Gravado de Artes. O recente nomeamento de Javier Expósito como membro da Real Academia e a existencia do propio museo convidan de xeito especial a que esta homenaxe a Díaz Pardo desde Ribeira se desenvolva en Artes (Ribeira).

Para facilitar a asistencia ao acto habilítase transporte gratuíto desde a Estación de Autobuses de Ribeira, saída ás 19.00 h, pero é condición indispensable reservar praza enviando un correo electrónico a normalizacion@ribeira.gal

Conferencia: «Isaac Díaz Pardo, o pintor que non quixo ser artista». Rosario Sarmiento.
Data: 24/04/2025
Hora: 20.00 h
Lugar: Museo do Gravado de Artes
Haberá transporte gratuíto desde Ribeira. Saída: 19.00 h. Regreso: 21.00 h
Reservas para o autobús: normalizacion@ribeira.gal

O presidente da Fundación Museo de Artes do Gravado e alcalde de Ribeira Luís A. Pérez Barral, comprácese en convidar a vostede ao acto de inauguración da exposición: Ediciones de STADT 1988-2020. José Sevillano, que terá lugar o venres, 4 de abril, ás 20.30 h no Museo do Gravado de Artes, Ribeira (A Coruña).

Ribeira, abril de 2025.

O Presidente da Fundación Museo de Artes do Gravado e Alcalde de Ribeira Luís Antonio Pérez Barral e o Presidente da Real Academia Galega de Belas Artes Manuel Quintana Martelo, comprácense en convidar a vostede á sesión extraordinaria pública para a recepción do académico de honra electo:

Excmo. Sr. D. Francisco Javier Expósito Paradela, que lerá o seu discurso titulado «UN MUSEO NO MUNDO RURAL. Museo do Gravado de Artes».

Contestará en nome da Corporación o académico de número Ilmo. Sr. D. Felipe Senén López.

O acto terá lugar o sábado, 1 de febreiro, ás 12.00 horas no Auditorio Municipal de Ribeira, Avda. Constitución, n° 2, 15960 Ribeira (A Coruña).

Casa da Cultura de Cangas. Inauguración 19 de decembro de 2024 ás 19:00h.

A Fundación Museo de Artes do Gravado á Estampa Dixital invita ao acto de inauguración da mostra de gravados de Xan Leira, titulada 807/36 memorias gravadas, que se desenvolverá o xoves 19 de decembro ás 19.00 h, na sala Ángel Botello da Casa da Cultura de Cangas.

O título da mostra evoca o número da causa por rebelión instruída contra os avós maternos do artista, pola súa resistencia ao levantamento franquista de 1936. Estes gravados poden ser entendidos como unha recreación contemporánea dos vellos, descoloridos e maltratados documentos que, por milleiros e arquivados en vetustos arquivos, foron instruídos polo franquismo contra o conxunto da cidadanía. O emprego de diferentes técnicas de estampación e recursos gráficos, sobre papeis tratados dun xeito moi persoal, converten esta mostra nunha escenificación contundente desta etapa histórica.

Xan Leira, o produtor e director de cinema, achéganos noutro formato estético e expresivo outra faciana creativa xurdida cando aprendeu xunta o seu pai os segredos das artes gráficas na imprenta familiar.
Os 42 gravados que reúne esta mostra están dispostos en 28 pezas de aproximadamente 45×90 cm, un mural conformado por 8 pezas dunha dimensión aproximada de 240 x 600, e unha instalación de 6 obras de 240 x400 cm.
O catálogo é un xornal de 48 páxinas que mantén as coordenadas estéticas da mostra e reúne as colaboracións de Luís Antonio Pérez Barral, presidente da Fundación e alcalde de Ribeira; Adolfo Pérez Esquivel, Premio Nobel da Paz e artista plástico; Xoán Pastor Rodríguez, director do Museo do Gravado; Leonardo Rial, director do Taller Experimental de Obra Múltiple Contemporánea; Néstor Goyanes, gravador arxentino; Carlos L. Bernárdez, ensaísta e crítico de arte, e Xan Leira.